Ungdomsstipend 2024

Ungdomsstipend blir utlyst kvar haust, og delast ut til ungdom mellom 16-30 år, som har utmerka seg på eit høgt nivå innan idrett, kultur eller nytt for 2024, sosialt arbeid. Stipendet er på 30.000 kroner.

Øyvind Henanger Halvorsen

Årets mottakar av ungdomsstipendet frå Fusa Kraftlag er skiskyttaren Øyvind Henanger Halvorsen. Øyvind er førsteårs senior og satsar no for fullt saman med profflaget Team X Skiskyting, som støttar dedikerte utøvarar med høge nasjonale og internasjonale mål.

Med mottoet «Ved framgang finn eg motivasjon» viser Øyvind eit sterkt fokus på utvikling og resultatar. Han har delteke i store konkurransar som Blinkfestivalen, NM i rulleski og sesongopninga på Sjusjøen. Me gratulerer Øyvind med stipendet og ønskjer han lykke til vidare i skiskyttarkarrieren!

Magnus Godøy

Årets andre mottakar av ungdomsstipendet frå Fusa Kraftlag er pianisten Magnus Godøy. Magnus er 16 år, kjem frå Vinnes, og har spelt piano sidan han fekk sitt første piano til jul som åtteåring. Han har allereie opptrådt på kjende scener som Ole Bulls Villa, Oseanasalen og fleire galleriopningar.

Likevel er det ikkje musikken åleine som motiverte han til å søkje stipendet. I år starta Magnus foreininga Unikultur, eit fellesskap for ungdom som driv med kultur, inspirert av sitt eige ynskje om meir sosialt samvær i kulturfeltet. Gjennom Unikultur arrangerer han aktivitetar og byggjer samhald for unge kreative, med både app og heimeside i drift. Me gratulerer Magnus med ungdomsstipend og ønskjer han lykke til vidare i det gode arbeidet!

Allmennyttige midlar 2024

I 2024 har Fusa kraftlag delt ut 579 000 kroner til tiltak som skal koma lokalmiljøet til gode.

Lag og organisasjonar som har motteke støtte er:

  • Holmefjord Bygdautval 5000

  • Strandvik Bygdautval 5000

  • Nordtveit Bygeutval 5000

  • Vinnes Bygdautval 5000

  • Fusa Bygdalag 5000

  • Bjørnafjorden demensforening 5000

  • Baldersheim Pensjonistlag 5000

  • Eikelandsfjorden Pensjonistlag 5000

  • Fusa Hagelag 5000

  • Fusa Sanitetsforening 5000

  • Eikelandsfjorden Sanitetsforening 5000

  • Holmefjord og Bogøy Sanitetsforening 5000

  • Strandvik Filmklubb 5000

  • NFU- Bjørnafjorden lokallag 5000

  • Bjørnafjorden badstuforening 5000

  • Eikelandsfjorden Sauna 5000

  • Eikelandsfjorden IL-Sjakk 5000

  • Fusa Petanqueklubb 7000

  • Fusa Jakt og Fiskelag 7000

  • Strandvik Skyttarlag 7000

  • Eikelandsfjorden Musikklag 7000

  • Koralrevane 7000

  • Kortpusten 7000

  • Holmefjord Musikklag 7000

  • Venelaget for kulturbedehuset Fredheim 10000

  • Nordtveit Bedehus 10000

  • Grendaheimen 10000

  • Eikelandsfjorden IL- Klatring 10000

  • Eikelandsosen Skulemusikklag 10000

  • Lygrepollen Grendalag 15000

  • Eikelandsfjorden Bedehus 15000

  • Eikelandsfjorden IL-Fotball 15000

  • Søre Fusa IL 15000

  • Ådlandsfjorden IL 15000

  • Bogøytunet 20000

  • Bygdalaget Bygdaheimen 20000

  • Fusa Samfunnshus 20000

  • Nesjaheimlaget 20000

  • Strandvik Grendahuslag 20000

  • Øvre Hålandsdal Grendalag 20000

  • Baldersheim Bygdalag 20000

  • ULS Holmefjord 20000

  • Eikelandsfjorden IL-Turn 20000

  • Strandvik IL 20000

  • Vinnesfestival 30000

  • Fusa Røde Kors 40000

  • Fusa Frivilligsentral 50000